這位師傅看得通透，真有慧根🤣
以往農曆新年間沒有甚麼值得關注的新聞，這一篇真的 make my day，充滿智慧又幽默，簡直字字珠璣啊！
//何解師傅如此悲觀？皆因他認為，今年解籤整體人流較少，「有人北上、有部分人去外國、有部分人移民，老嘅又走咗（死咗）， 後生仔有部手機又未必會揾你，所以今年環境應該麻麻哋。」此外，近年拜車公的人有不少是菲律賓、泰國人，同時有內地人，「但佢未必走來嘛，佢哋連酒店都唔住」，拜車公的本地人，平日較少。他續談到 2024 年運程，黃師傅沒加思索就說：「好似美斯請咗嚟唔落場，呃你嘅，所以話今年係好都係呃你嘅，總括來說都是麻麻哋；河國榮都燒炭，你諗吓香港咩環境？吓？」然後黃師傅馬上補一句：「我講香港咩環境咋，我唔係話佢唔好呀，你千祈唔好搞錯，有咩事差佬會搵我㗎嘛，陣間話我講啲嘢，話香港唔好。」黃師傅歎，現時連解籤都要解得「小心」，「有咩事問你點講？只有唱好香港，講國家安全、基本法一帶一路好，只有講好啲，有咩問題就搵你。」//（節錄自《集誌社》）
昔日的東方之珠有麝自然香，不必自吹自擂外國人也知道是個繁華免稅港、國際大都會、亞洲金融中心。如今卻人人自我審查要「說好香港故事」，嗯……
